Ekstremista povezan s napadom na Šarli Ebdo izručen Francuskoj
Ekstremista optužen da je pomogao organizaciju napada na satirični nedjeljnik Šarli Ebdo, danas je izručen francuskim vlastima, koje su mu odmah uručile optužnicu za terorizam.
Parisko tužilaštvo je saopštilo da je Peter Šerif, poznat i kao Abu Hamza, isporučen Francuskoj iz Džibutija, gdje je nedavno uhapšen, prenosi Asošiejted pres.
Ministar odbrane Francuske, rekao je da je Šerif imao “važnu ulogu u organizovanju” napada na Šarli Ebdo januara 2015. godine.
On je bio blizak prijatelj dva brata, koji su ubili 11 ljudi, u redakciji pariskog nedjeljnika i policajca u blizini.
Šerif je putovao u Irak i Siriju početkom 2000-ih godina, a od francuskih vlasti se krio od 2011. godine.
